დღეს დავიდ ვილიას დაბადების დღეა!

1981 წლის 3 დეკემბერს ქვეყანას მოევლინა ერთ-ერთი ყველაზე შთამბეჭდავი ესპანელი ფორვარდი დავიდ ვილია, დღეს "ელ გუახეს" 35 წელი შეუსრულდა.

დავიდ ვილიამ თავისი ყველაზე დიდი კვალი "ბარსელონაში" დატოვა, სადაც მან 3 სეზონი დაჰყო და 8 ოფიციალური ტიტული მოიგო.

ესპანელ ფორვარდს ბევრ მნიშვნელოვან მატჩში აქვს თავი გამოჩენილი, განსაკუთრებით კი უნდა აღინიშნოს 2011 წლის ჩემპიონთა ლიგის ფინალში გატანილი გოლი. ვილიას ასევე ძალიან უყვარდა "რეალის" კარის დალაშქვრა, ესპანელმა მადრიდდელების დამწუხრება არაერთხელ მოახერხა.

დღეს "ელ კლასიკოა" და ვნახოთ, როგორ მიულოცავს "ბარსელონას" დაბადების დღეს უსაყვარლეს 7-იანს. მანამდე კი გავიხსენოთ ვილიას მიერ "ელ კლასიკოში" გატანილი ყველაზე ლამაზი გოლი.