„ბარსელონა“ - „ესპანიოლი“. ენრიკე მატჩის შემდეგ
კატალონიის "ბარსელონას" მთავარმა მწვრთნელმა, ლუის ენრიკემ, ლა ლიგის XVI ტურში "ესპანიოლთან" გამარჯვების შემდეგ (4:1), კომენტარი გააკეთა.
"დაუჯერებელია ის, რასაც ლიონელ მესი აკეთებს, ჩვენ ამას უკვე შევეჩვიეთ. ეს ყელაფერი "კამპ ნოუზე" 15 დღეში ერთხელ ხდება. "ესპანიოლთან" მატჩი? "ბარსელონამ" მატჩი უმაღლეს დონეზე ჩაატარა. ჩვენი მეტოქე თავს შესანიშნავად იცავდა, მაგრამ ყველაფრისთვის მზად ვიყავით. მოთამაშეებისთვის სულაც არ იყო ადვილი მსგავსი ბარიერის გადალახვა. პირველ ნახევარში "ესპანიოლის" კარში შეტევის განხორციელება გვიჭირდა, თუმცა მეორე ტაიმში ფეხბურთელებმა ნამდვილი კლასი აჩვენეს.
ძალიან ხშირად ვთამაშობთ ისეთი კლუბების წინააღმდეგ, რომლებიც ძირითად აქცენტს დაცვაზე აკეთებენ, ხოლო როდესაც გვიტევენ "ბარსელონა" ცდილობს თავისუფალი ზონა იპოვოს და ბურთიც იქ გაგზავნოს. ყოველივე ამისთვის შესაბამისი მოთამაშეები გვყავს." - განაცხადა, ენრიკემ.
ამ სიახლეზე კომენტარები გათიშულია.
კომენტარები [ 3 ]