"იუვენტუსი" 3:0 "ბარსელონა". ლუის ენრიკე მატჩის შემდეგ
"ბარსელონას" მთავარმა მწვრთნელმა, ლუის ენრიკემ "იუვენტუსთან" მატჩის შემდეგ (0:3), კომენტარი გააკეთა.
"მნიშვნელობა არ აქვს სამართლიანია თუ არა შედეგი, პირველ ტაიმში კატასტროფულად უსუსურები ვიყავით, როგორც ეს პსჟ-სთან მატჩში მოხდა. ფეხბურთელთა პოზიცია მოედანზე ჩემი პასუხისმგებლობაა. "იუვენტუსის" დონის მეტოქესთან უფრო ინტენსიურად და დახვეწილად უნდა ვითამაშოთ.
უნდა დავფიქრდეთ იმაზე, თუ რა გავაკეთეთ დაბალ დონეზე. ჩემთვის ახლა უფრო რთულია შესაძლო "ქამბექზე" ფიქრი, ვიდრე პარიზში გამართული მატჩის შემდეგ იყო.
ამ საშინლად სევდიან გრძნობას სიტყვებით ვერ გადმოგცემთ. მეორე ტაიმში უკეთესად ვმოქმედებდით, მაგრამ ეს მეტოქემაც შეძლო.
მეორე ნახევარში უფრო კარგად გამოვიყურებოდით, მაგრამ პირველი ტაიმში ნაჩვენები თამაში ჩემ გონებას არ ტოვებს."-განაცხადა ენრიკემ.
ამ სიახლეზე კომენტარები გათიშულია.
კომენტარები [ 20 ]