ბართომეუ: "ბარსელონასა" და "რეალს" ერთი და იგივე ადვოკატები ჰაყვდა, მაგრამ სასჯელი მხოლოდ მადრიდელებს შეუმცირეს"
კატალონიის "ბარსელონას" პრეზიდენტი ხოსეპ მარია ბართომეუ სპორტული არბიტრაჟის მიერ "რეალის" სატრანსფერო ბანის შემცირების საკითხს ეხმაურება და აცხადებს, რომ საქმე უსამართლობასთან გვაქვს.
ახლახანს ცნობილი გახდა, რომ სპორტულმა არბიტრაჟმა "რეალისთვის" დაწესებული სატრანსფერო აკრძალვა შეამცირა და მადრიდელებს ფეხბურთლების შეძენა მხოლოდ 2017 წლის იანვარი არ შეეძლებათ, ზაფხულში კი ისინი შეზღუდვისგან გათავისუფლებულები იქნებიან. არადა, იდენტურ შემთხვევაში, "ბარსელონა" უფრო მკაცრად დაისაჯა - კატალონიელებს ფეხბურთელების დამატება 2 სატრანსფერო ფანჯრის განმავლობაში ჰქონდათ აკრძალული.
"ბარსელონასა" და "რეალს" ერთი და იგივე ადვოკატები ჰყავდა, მაგრამ სასჯელის შემცირება მხოლოდ მადრიდელების შემთხვევაში მოხდა. ამის გამო, ახსნა-განმარტებას ვითხოვ. "რეალისა" და "ატლეტიკოს" საქმეებს დეტალურად არ ვიცნობ, მაგრამ არ იქნება პრობლემა, ამ საკითხზე კონსულტაცია ჩვენ იურისტებთან გავიარო, რადგან ჩვენი საქმეები ერთმანეთს ძალიან ჰგავს.
დროა ეს იურიდიული გაურკვევლობა შეწყდეს. მეეჭვება, ყველა ფეხბურთელის აგენტს შეცდომა ერთდროულად დაეშვას. წესები ბუნდოვანია, რის გამოც ფეხბურთელები ზარდალდებიან. აი რა ხდება, როდესაც სხვადასხვა რეგლამენტები ერთმანეთთან წინააღმდეგობაში მოდის." - აცხადებს "ბარსელონას" პრეზიდენტი.
ამ სიახლეზე კომენტარები გათიშულია.
კომენტარები [ 9 ]