ნეიმარის უგოლო სერია 11 თამაშს ითვლის

"ბარსელონას" ბრაზილიელი ვარსკვლავის, ნეიმარ ჟუნიორის უგოლო სერია გრძელდება. 24 წლის სამხრეთ ამერიკელს მეტოქის კარი უკვე 11 თამაშია არ აუღია.

ნეიმარმა, "ბარსელონას" მაისურით ბოლო გოლი 19 ოქტომბერს, ჩემპიონთა ლიგის ჯგუფურ ეტაპზე, "მანჩესტერ სიტისთან" 4:0 მოგებულ შეხვედრაში გაიტანა.

მას შემდეგ, ბრაზილიელმა მოედანზე უგოლო 11 თამაში და 975 წუთი გაატარა.

პრიმერას მიმდინარე გათამაშებაში ჩატარებულ 14 შეხვედრაში ნეიმარის აქტივში 4 გოლი და 8 საგოლე გადაცემაა.