ეუსებიო: "ჩვენ წინააღმდეგ ძალიან ძლიერი "ბარსელონა" თამაშობდა"

"სოსიედადსა" და "ბარსელონას" შორის ესპანეთის თასზე გუშინ გამართული თამაშის (0:1) შემდეგ, სან სებასტიანელთა ამჟამინდელმა და "ბარსა ბ"-ს ყოფილმა მთავარმა მწვრთნელმა, ეუსებიო საკრისტანმა კომენტარი გააკეთა.

"ჩემი ფეხბურთელები ბოლომდე დაიხარჯნენ. მათ ბევრი იშრომეს. თუმცა, სიმართლეა ისიც, რომ თამაშს ვერ ვაკონტროლებდით და საგოლე მომენტებს ვერ ვქმნიდით. ჩვენ წინააღმდეგ ძალიან ძლიერი "ბარსელონა" თამაშობდა, რომელმაც ინტენსიური თამაში გვიჩვენა. შედეგის მიუხედავად, ამ ტურნირს დიდ იმედებს ვუკავშირებთ და ბოლომდე ვიბრძოლებთ."