სუარესი: "ბუსკეტსი ძალიან მნიშვნელოვანი ფეხბურთელია"

კატალონიის "ბარსელონას" ნახევარმცველმა, სერხიო ბუსკეტსმა გუშინდელ მატჩში, "ეიბარის" წინააღმდეგ, ტრავმა მიიღო. გავრცელებული ინფორმაციის თანახმად ესპანელი მოთამაშე 4 კვირით იუქმებს. მომხდარ ფაქტს ურუგვაელი ლუის სუარესი გამოეხმაურა.

"სერხიო მნიშვნელოვანი მოთამაშეა, რომელიც "ბარსელონას" ბურთის წართმევასა და კონტროლში ეხმარება. მისი არყოფნა ისეთივე საგრძნობია, როგორიც ინიესტას. ბუსკეტსის გარეშე ძალიან გაგვიჭირდება. მიუხედავად ამისა მივიჩნევ, რომ წინსვლის გაგრძელებისთვის საკმარისად ბევრი ფეხბურთელი გვყავს."-განაცხადა სუარესმა.