სიმეონე: "მესი იქ ითამაშებს, სადაც ჩვენში თავის ტკივილის გამოწვევას შეძლებს"
მადრიდის "ატლეტიკოს" მთავარმა მწვრთნელმა, დიეგო სიმეონემ, "ბარსელონასთან" უახლოესი მატჩის მოლოდინები გაგვიზიარა. შეგახსენებთ, რომ დღეს, "ვისენტე კალდერონზე" "ბარსელონა" მადრიდულ კლუბს, ესპანეთის თასის 1/2 ფინალის ფარგლებში დაუპირისპირდება. მატჩი თბილისის დროით 23:55 საათზე დაიწყება.
"ამ ფეხბურთელებს თავიანთი სათამაშო ხარისხი აქვთ და "ბარსელონა" გარკვეულწილად განსხვავებულად ითამაშებს. ბოლო მატჩში ვიდალმა ფლანგზე ითამაშა, მესი კი თავდამსხმელთა უკან მოქმედებდა. "ბარსელონას" თამაშის ბევრი ვარიანტი აქვს, მაგრამ თავდამსხმელთა ტრიოს მოქმედებებზე ცვლილებები არ აისახება. მესი იქ ითამაშებს, სადაც, მისი აზრით, ჩვენში თავის ტკივილის გამოწვევას შეძლებს და ეს წინასწარ მომზადებული არ იქნება." - ციტირებს სიმეონეს Marca.
საპასუხო მატჩი "კამპ ნოუზე" 7 თებერვალს გაიმართება.
ამ სიახლეზე კომენტარები გათიშულია.
კომენტარები [ 9 ]