ნეიმართან ერთად საპასუხო მატჩს გაბიც გამოტოვებს

მადრიდის "ატლეტიკოს" ესპანელი კაპიტანი, გაბი ფერნანდესი დისკვალიფიკაციის გამო "ბარსელონასთან" გასამართ საპასუხო მატჩს გამოტოვებს.

მადრიდელთა 33 წლის ნახევარმცველს სამეფო თასის მიმდინარე გათამაშებაში უკვე 3 ყვითელი ბარათი დაუგროვდა. გაბიმ არბიტრისგან გაფრთხილებები "ლას პალმასთან" გამართულ ორივე შეხვედრაში და "ბარსელონასთან" მატჩში მიიღო.

შეგახსენებთ, რომ საპასუხო მატჩი "კამპ ნოუზე" 7 თებერვალს, თბილისის დროით 23:55 საათზე გაიმართება, შეხვედრას მადრიდელთა მხრიდან გაბი დააკლდება, ხოლო კატალონიელთა მხრიდან - ნეიმარი.