ნეიმარი მსოფლიოს ჩემპიონატის მოგებაზე ოცნებობს

"ბარსელონას" ბრაზილიელი ვარსკვლავი ნეიმარი, რომელიც დღეს 25 წლის გახდა, აცხადებს, რომ მსოფლიოს 2018 წლის ჩემპიონატის მოგებაზე ოცნებობს.

"ბევრი ამბიცია, ბევრი პრობლემა მაქვს. ჯერ კიდევ არსებობს მრავალი რამ, რაც უნდა გავაკეთო. საკმაო ტიტული დარჩა, რომლებიც ჯერ არ მომიგია. ამის მოგვარებაც მინდა. მომდევნო მსოფლიო ჩემპიონატზე უკვე ვფიქრობ. გარკვეულწილად, თავს მეოცნებედ ვთვლი, რადგან მსოფლიო ჩემპიონატზე ფიქრს ვერ ვწყვეტ. თავდაუზოგავად ვიმუშავებ, რათა 2018 წლისთვის მზად ვიყო.

ერთადერთი, რაც მინდა, გამუდმებით მუშაობაა, რათა სათამაშო დონე შევინარჩუნო და გავაგრძელო გოლების გატანა. არ მსურს, ვინმეზე უკეთესი ვიყო. ერთადერთი, რაც მინდა, დღითიდღე გაუმჯობესებაა. აი, რა არის ჩემთვის მნიშვნელოვანი.

ვაღიარებ, რომ ესპანეთის ჩემპიონატის მოგება რთული იქნება, მაგრამ შეუძლებელი არაფერია. გასულ წელს, მაგალითად, კონკურენტებს 12 ქულით ვუსწრებდით, საბოლოოდ კი ტიტული თითქმის დავკარგეთ. ყველაფერი შეიძლება მოხდეს. "ბარსელონასთან" ერთად 7 ტიტული უკვე მოვიგე, მაგრამ უფრო მეტი მინდა".