რაკიტიჩი: "მესიმ ხმაურიანი მეზობლების სახლი იყიდა, რათა სიწყნარეში ეცხოვრა"

"ბარსელონას" ნახევარმცველმა, ივან რაკიტიჩმა განაცხადა, რომ მისი თანაკლუბელი, ლიონელ მესი სახლში ძალიან მშვიდია და სიწყნარე უყვარს. ხორვატი ფეხბურთელის სიტყვებით, არგენტინელმა თავდამსხმელმა ხმაურიანი მეზობლების სახლებიც კი იყიდა, რათა უფრო კომფორტულ პირობებში ეცხოვრა.

"მე ესპანეთში არანაირი პრობლემა არ მაქვს მეზობლებთან, როგორც, მაგალითად, ეს მესის ჰქონდა. როდესაც მან სახლი იყიდა კასტელდეფელსში, ბარსელონასთან ახლოს, იქ ძალიან ხმაურიან მეზობლებს შეხვდა. საბოლოოდ, მან მათი სახლიც იყიდა, რათა სიწყნარეში ეცხოვრა." - განაცხადა რაკიტიჩმა.