"ლივერპულის" მფლობელი "კამპ ნოუს" ეწვია
"ლივერპულის" მფლობელი, ჯონ ჰენრი, "ბარსელონას" ბოლო მატჩის დროს, "კამპ ნოუზე" შენიშნეს. Sport-ის ინფორმაციით, ამერიკელი კატალონიაში ფილიპე კოუტინიოს ტრანსფერზე მოლაპარაკებებისთვის ჩავიდა.
ბრაზილიელი ნახევარმცველის ტრანსფერი, შესაძლოა, უახლოეს ზაფხულში შედგეს. ინგლისური პრემიერ-ლიგის 18 მატჩში, კოუტინიომ 5 გოლი გაიტანა და 5 შედეგიანი გადაცემა გააკეთა.
შეგახსენებთ, რომ ცოტა ხნის წინ, ბრაზილიელმა "ლივერპულთან" ახალი კონტრაქტი გააფორმა, რომელიც 2022 წლამდეა გათვლილი. რამდენიმე წლის წინ, სუარესმაც ასევე ხანგრძლივ ვადიანი ხელშეკრულება გააფორმა მერსესაიდელებთან, ვიდრე "ბარსელონაში" გადავიდოდა. "წითლების" ექს-ფეხბურთელმა, ჯეიმი კარაგერმა განაცხადა, რომ ფეხბურთელების გაყიდვამდე ახალი კონტრაქტების გაფორმება "ლივერპულის" ბოსების მუშაობის ერთ-ერთი პრინციპია.
ამ სიახლეზე კომენტარები გათიშულია.
კომენტარები [ 11 ]