Sport: ლუის ენრიკემ ზაფხულში ვერატიზე უარი თქვა

როგორც კატალონიური Sport ავრცელებს ინფორმაციას, "ბარსელონას" გასულ ზაფხულში "პარი სენ ჟერმენის" იტალიელი ნახევარმცველის, მარკო ვერატის შეძენა შეეძლო.

წყაროს ცნობით, "ბარსელონას" საერთაშორისო საქმეთა სპორტული დირექტორი არიედო ბრაიდა 24 წლის ნახევარმცველს შეხვდა და მასთან ტრანსფერზე შეთანხმებას თითქმის მიაღწია, თუმცა კლუბში არჩევანი ანდრე გომეშის სასარგებლოდ გააკეთეს, რომელიც მთავარ მწვრთნელს, ლუის ენრიკეს უფრო მოსწონდა.

გომეშმა მიმდინარე სეზონში იმედები ვერ გაამართლა, რის გამოც "ბარსელონას" გულშემატკივრებმა არაერთხელ გაააკრიტიკეს.