"რეალმა" "მესტალიაზე" ქულები დაკარგა

სულ ცოტა ხნის წინ დადრულდა ესპანეთის ჩემპიონატის მე-16 ტურის გამოტოვებული მატჩი "მესტალიაზე" "ვალენსიასა" და მადრიდის "რეალს" შორის.

შეხვედრა "ღამურების" გამარჯვებით, ანგარიშით 2:1 დასრულდა. "სამეფო კლუბმა" მორიგი ქულები დაკარგა და "ბარსელონას" კიდევ ერთი შანსი მიეცა.

ამ დროისათვის, ლა ლიგის სატურნირო ცხრილის სათავეში კვლავ მადრიდული გრანდია, იგი "ბარსელონას" 1 ქულით უსწრებს და დარჩენილი აქვს კიდევ ერთი გამოტოვებული შეხვედრა, "სელტასთან".

ლა ლიგის 24-ე ტურში "ბარსელონასაც" და "რეალსაც" უხერხულ მეტოქეებთან მოუწევთ დაპირისპირება. კატალონიელები მადრიდში "ატლეტიკოს" ესტუმრებიან, ხოლო "ბლანკოსი" "ელ მადრიგალზე" "ვილიარეალს" დაუპირისპირდება.

აქვე იმასაც გეტყვით, რომ ორივე შეხვედრა 26 თებერვალს გაიმართება. "ატლეტიკო" - "ბარსელონა" სტარტს 19:15 საათზე აიღებს, ხოლო "ვილიარეალი" - "რეალი" კი - 23:45 საათზე.