"სევილიასა" და "მალაგასთან" გასამართი მატჩების დრო ცნობილია

ესპანეთის საფეხბურთო ლიგამ გამოაცხადა  30-ე და 31-ე ტურების ჩატარების თარიღები. ოთხშაბათს, 5 აპრილს, ადგილობრივი დროით 19 საათსა და 30 წუთზე "ბარსელონა" უმასპინძლებს "სევილიას", რომელიც ამ სეზონში გასვლაზე 2-1 დაამარცხა. 3 დღის შემდეგ "ბარსა" გაემგზავრება ანდალუსიაში, სადაც "მალაგას" ადგილობრივი დროით 20 საათსა და 45 წუთზე დაუპირისპირდება. მათი ბოლო შეხვედრა 0-0 დასრულდა.

ლა ლიგის შეხვედრების შემდეგ "ბარსა" ითამაშებს ჩემპიონთა ლიგის მეოთხედფინალში, რომლის კენჭისყრა პარასკევს გაიმართება.