ნეიმარს სასჯელი შეუმცირეს

ბრაზილიის საგადასახადო ორგანოებმა "ბარსელონას" სამხრეთ ამერიკელი ფეხბურთელისთვის, ნეიმარისთვის დაკისრებული ჯარიმის (56.5 მილიონი ევრო) შემცირების გადაწყვეტილება მიიღეს.

ბრაზილიელი სამართალდამცავები ნეიმარის "სანტოსიდან" "ბარსელონაში" გადასვლას იძიებდნენ. 25 წლის ვარსკვლავი 5 პუნქტით გაამტყუნეს და მას 56.5 მილიონი ევროს გადახდა დააკისრეს.

Marca-ს ინფორმაციით, ნეიმარს 2 ბრალდება მოუხსნეს და 3 დაუტოვეს, რაც ჯარიმის ოდენობის შემცირებას გამოიწვევს. თუმცა, ჯერ კიდევ უცნობია, რა რაოდენობის ჯარიმის გადახდა მოუწევს ბრაზილიელს.