ფიფამ მესი შტაბ-ბინაში მიიწვია

არგენტინის ფეხბურთის ასოციაციის (AFA) პრეზიდენტმა, კლაუდიო ტაპიამ განაცხადა, რომ ფეხბურთის საერთაშორისო ფედერაციამ (FIFA) ლიონელ მესი ორგანიზაციის შტაბ-ბინაში მიიწვია, რომელიც ციურიხში მდებარეობს, რათა არგენტინელს ჩილესთან მატჩში (1:0) ჩადენილი საქციელი აეხსნა.

ფეხბურთელი მსაჯის შეურაცხყოფის გამო 4 საერთაშორისო მატჩიანი დისკვალიფიკაციით დასაჯეს. მოგვიანებით, AFA-მ ამ გადაწყვეტილებაზე აპელაცია შეიტანა.

"ფიფამ მესი შეხვედრისთვის მიიწვია, რათა ჰქონოდა შესაძლებლობა, რომ თავისი ჩადენილი საქციელი აეხსნა. მნიშვნელოვანია, რომ ის ჩავიდეს ციურიხში AFA-ს ადვოკატებთან ერთად, დისკვალიფიკაციის ვადის შემცირებისთვის. ხვალ მე ბარსელონაში გავემგზავრები, რათა ფეხბურთელს გავესაუბრო." - ციტირებს ტაპიას სიტყვებს AS.