Diario Gol: ინიესტა "ბარსელონას" დატოვებასთან ახლოსაა

"ბარსელონას" კაპიტანი, ანდრეს ინიესტა კატალონიური კლუბის დატოვებასთან ახლოსაა, სადაც მან 15 წელი გაატარა.

Diario Gol-ის ინფორმაციით, წარუმატებელი სეზონი "ლურჯ-ბროწეულისფერთა" შემადგენლობაში სერიოზული ცვლილების მიზეზი გახდება. იმ მოთამაშეების გარდა, რომლებმაც "ბარსელონაში" თავი ვერ დაიმკვიდრეს, რეპრესიის ქვეშ, შესაძლოა, კაპიტანიც მოხვდეს, რომლის კონტრაქტი მომდევნო წლის ზაფხულში იწურება.

იმის გათვალისწინებით, რომ ვეტერანი ანაზღაურებისა და სათამაშო პრაქტიკის შემცირების წინააღმდეგია, "ბარსელონას" ხელმძღვანელობამ და სამწვრთნელო შტაბმა, შესაძლოა, ინიესტას გაშვება გადაწყვიტონ.

ანდრესი კარიერას სავარაუდოდ "მანჩესტერ სიტიში" გააგრძელებს, სადაც "ბარსელონას" ყოფილი თავკაცი, ხოსეპ გვარდიოლა მოღვაწეობს. არ გამოირიცხება აშშ-სა და აზიის ვარიანტებიც.