ზიდანი: "ბარსელონასთან" მატჩი ყოველთვის განსაკუთრებულია"
"რეალის" მთავარმა მწვრთნელმა, ზინედინ ზიდანმა ლა ლიგის 33-ე ტურის მატჩთან დაკავშირებით, "ბარსელონას" წინააღმდეგ, ჟურნალისტებს მოლოდინი გაუზიარა. პრინციპულ მეტოქეთა შეხვედრა 23 აპრილს, მადრიდში გაიმართება.
"გამარჯვების შემთხვევაში ესპანეთის ჩემპიონის ვინაობა არ გადაწყდება. ეს მხოლოდ ერთი შეხვედრაა, რის შემდეგაც კიდევ ექვსის ჩატარება მოგვიწევს. "ბარსელონასთან" მატჩი ყოველთვის განსაკუთრებულია, ეს დერბის ჰგავს. არასდროს არ იცი, თუ რა მოხდება ასეთ დაპირისპირებაში.
ბეილი ჩვენთან იქნება, მან კარგად ივარჯიშა. ხვალ ნახავთ, მოხვდება თუ არა ძირითად შემადგენლობაში. ყველა დაღლილია, მაგრამ დაწყებული საქმის ბოლომდე მიყვანის მოტივაცია გვაქვს.
"ბარსელონა" ის გუნდი არ არის, რომელიც "სანტიაგო ბერნაბეუზე" ზეწოლას იგრძნობს. ჩემპიონთა ლიგიდან გავარდნამ მათზე გავლენა არ უნდა მოახდინოს."-ციტირებს ზიდანის სიტყვებს Marca.
ამ სიახლეზე კომენტარები გათიშულია.
კომენტარები [ 9 ]