უნსუე ნეიმარს: "რონალდინიოსავით დაამთავრებ"

გუშინ გაცნობეთ, რომ "ბარსელონას" მთავარი მწვრთნელის ასისტენტს, ხუან კარლოს უნსუესა და გუნდის ბრაზილიელ შემტევს, ნეიმარს შორის, ვარჯიშზე, მცირე კონფლიქტი მოხდა. დღეს, ამ ინციდენტის შესახებ, მეტი ინფორმაცია გახდა ცნობილი.

Marca-ს ინფორმაციით, უნსუე ნეიმარის ვაჯიშებისადმი დამოკიდებულებით უკმაყოფილო დარჩა და მან ბრაზილიელს შემდეგი ტექსტით მიმართა: "თუ ასე განაგრძობ, რონალდინიოსავით დაამთავრებ."

რონალდინიო "ბარსელონაში" 2003-2008 წლებში თამაშობდა. პირველ სამ სეზონში გაბრწყინების შემდეგ, ბრაზილიელმა ლეგენდამ, ბოლო 2 სეზონი, ძალიან ცუდად ჩაატარა, რის გამოც, კატალონიელებმა ის "მილანში" გაუშვეს.

რაც შეეხება ნეიმარს - მას წარმატებული სეზონი ნამდვილად არ აქვს. ჩატარებელ 42 შეხვედრაში ბრაზილიელმა მხოლოდ 16 გოლი გაიტანა.

ნეიმარს უნსუესთვის მოსმენა ნამდვილად მართებს იმ შემთხვევაში, თუ ეს უკანასკნელი გუნდის მთავარ მწვრთნელად დანიშნეს.