მასკერანომ ტრავმის გამო, შესაძლოა, სეზონის ბოლო მატჩები გამოტოვოს
"ბარსელონას" მცველმა, ხავიერ მასკერანომ ტრავმის გამო ესპანეთის ჩემპიონატის 37-ე ტურის მატჩში, "ლას პალმასის" წინააღმდეგ მონაწილეობის მიღება ვერ შეძლო, რომელიც კატალონიელთა გამარჯვებით, 4:1 დასრულდა.
არგენტინელს ძირითად შემადგენლობაში თამაში უნდა დაეწყო, თუმცა წინასამატჩო ვარჯიშის დროს დაზიანება მიიღო და სათადარიგოთა სკამზე დარჩა.
დღეს მასკერანომ სამედიცინო შემოწმება გაიარა, რომელმაც მას მარჯვენა ბარძაყის ტრავმა აღმოუჩინა. "ბარსელონას" პრეს-სამსახური 32 წლის ფეხბურთელის დაბრუნების ვადას არ ამხელს, თუმცა გამოცემა AS იტყობინება, რომ მან, შესაძლოა, სეზონის ბოლო მატჩები გამოტოვოს: პრიმერას ბოლო ტურის მატჩი "ეიბართან" (21 მაისი) და ესპანეთის თასის ფინალი "ალავესთან" (27 მაისი).
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 33 ]