ვინ ითამაშებს "მანჩესტერის" ლეგენდების წინააღმდეგ?

რამდენიმე წუთის წინ, იმ ფეხბურთელების ნაწილის ვინაობა გახდა ცნობილი, რომლებიც 30 ივნისს, "კამპ ნოუზე", "ბარსელონას" ლეგენდების გუნდში, "მანჩესტერ იუნაიტედის" ლეგენდების წინააღმდეგ ითამაშებენ.

კატალონიელთა მთავარ მწვრთნელს, ხოსე მარია ბაკეროს საშუალება ექნება შემდეგი ფეხბურთელები ათამაშოს: ანგოი, გუზმანი, ხუან კარლოსი, პოპესკუ, ნადალი, ბელეტი, ანდერსონი, დეუ, ედმილსონი, გოიკოეჩეა, მენდიეტა, ჟიული და ხულიო სალინასი.

მომდევნო რამდენიმე კვირის განმავლობაში, სხვა ფეხბურთელების ვინაობაც გახდება ცნობილი.

"მანჩესტერ იუნაიტედში" მოთამაშე ფეხბურთელებიდან ჯერჯერობით ცნობილი შემდეგი გვარებია: ბლომქვისტი, ფორჩუნი, პობორსკი, სქოულზი, ფილ ნევილი, სილვესტრი და დუაიტ იორკი.