"ზალცბურგი" მასიპს იწვევს

"ბარსელონას" მე-3 მეკარე ხორდი მასიპი, შესაძლოა, ავსტრიულ "რედ ბულ ზალცბურგში" უფასოდ გადავიდეს. ამ ინფორმაციას COPE ავრცელებს.

მასიპი, რომელიც "ბარსელონას" სკოლის აღზრდილია, უკვე 28 წლისაა და პირველ გუნდში 3 წელია ირიცხება. თუმცა, მის აქტივში, მხოლოდ 2 ჩატარებული თამაშია.

მასიპის მოქმედ კონტრაქტს ვადა მიმდინარე თვის ბოლოს ეწურება და კლუბი მისთვის ახალი ხელშეკრულების შეთავაზებას არ აპირებს.

ესპანელი ჟურნალისტების ცნობით, "ზალცბურგი" აპირებს შექმნილი სიტუაციით ისარგებლოს და ესპანელი მეკარე ხელში უფასოდ ჩაიგდოს.