ფერნანდესი: "ბარსელონა" მნიშვნელოვან ფეხბურთელებს გაიფორმებს"
"ბარსელონას" სპორტულმა დირექტორმა, რობერტ ფერნანდესმა განაცხადა, რომ ზაფხულში კლუბს მხოლოდ მნიშვნელოვანი ფეხბურთელები შეუერთდებიან.
სატრანსფერო ფანჯრის გახსნისას, "ბლაუგრანას" ყოველთვის მაღალი დონის მოთამაშეებს უკავშირებენ, მაგრამ, რა თქმა უნდა, კატალონიელები მხოლოდ რამდენიმე პროფესიონალ შემსრულებელს იფორმებენ.
ფერნანდესის თქმით, კლუბის სატრანსფერო კამპანია უშუალოდ ძირითადი შემადგენლობის გაძლიერებაზე იქნება კონცენტრირებული.
"ტრანსფერზე მუშაობისას ყველაზე დიდ სირთულეს "ბარსელონას" სიდიადე წარმოადგენს. ფეხბურთელებისთვის ეს დაბრკოლებაა. ისინი ხვდებიან, რომ ასეთი დონის გუნდში, შესაძლოა, მცირე სათამაშო პრაქტიკა მიიღონ.
კონკრეტული პოზიციები აუცილებლად გაძლიერდება და გავიფორმებთ გუნდისთვის მნიშვნელოვან ფეხბურთელებს."
გასულ ზაფხულში "ბარსელონას" რამდენიმე ახალგაზრდა მოთამაშე - სამუელ უმტიტი, ლუკა დინი, ანდრე გომეში, დენის სუარესი და პაკო ალკასერი შეუერთდნენ. ახალწვეულებმა 2016/17 წლების სეზონი სხვადასხვა დონეზე ჩაატარეს, მაგრამ ფერნანდესი დარწმუნებულია, რომ სამომავლოდ ისინი საკუთარი შესაძლებლობების მაქსიმუმს წარმოაჩენენ.
"კმაყოფილები ვართ იმით, რომ 1 წლის წინ ეს ფეხბურთელები შევიჩინეთ. მომდევნო სეზონში ისინი მნიშვნელოვან ნაბიჯს გადადგამენ. მათ დრო სჭირდებოდათ, რადგან ახალგაზრდები არიან და აქ ადაპტაცია რთულია."-დაამატა ფერნანდესმა.
შეგახსენებთ, რომ ბოლო დროს "ბარსელონასა" და მარკო ვერატის მედია ერთმანეთს აქტიურად უკავშირებს. იტალიელ ნახევარმცველს კატალონიურ გრანდში ასპარეზობა სურს, რაც მისმა ქმედებებმა არაერთხელ დაამტკიცეს.
ამ სიახლეზე კომენტარები გათიშულია.
კომენტარები [ 10 ]