"ბარსელონა" შემოთავაზებებს ელის

როგორც მოგეხსენებათ, "ბარსელონას" მფლობელობაში მყოფი მცველი, ტომას ვერმაელენი მიმდინარე ზაფხულში კლუბს შეიცვლის. აქამდე ვრცელდებოდა ინფორმაცია, რომლის მიხედვითაც კლუბი ბელგიელის შენარჩუნებაზე ფიქრობდა. ახლა კი, თუ ესპანურ Sport-ს ვენდობით, კატალონიელები შემოთავაზებებს ელიან.

ფეხბურთელს "ბლაუგრანასთან" კონტრაქტი 2019 წლამდე აკავშირებს და ის ერნესტო ვალვერდეს გეგმებშიც არ შედის.

როგორც ჩანს, კლუბის ხელმძღვანელობას სურს, რომ ვერმაელენის საქმეც კრისტიან ტელიოს მსგავსად დასრულდეს.

ყველაზე ცუდ შემთხვევაში, თუ მცველი ვერ მიიღებს მისთვის ხელსაყრელ შეთავაზებას, შესაძლოა მან პრესეზონი ლურჯ-ბროწეულისფერი ფორმით დაიწყოს. სტატიაში ვკითხულობთ, რომ "ბარსელონა" ფეხბურთელის ფიზიკურ კონდიციებს დააკვირდება და ეცდება გაარკვიოს, თუ რამდენად იქნება შესაძლებელი მომავალში იმ ტრავმებისა თუ სხვა პრობლემების გამეორება, რაც ბელგიელს აქამდე თამაშში უშლდა ხელს.