"ოპერაცია ვერატი" არ დამთავრებულა

როგორც მოგეხსენებათ, რამდენიმე დღის წინ, გავრცელდა ვიდეო, სადაც მარკო ვერატი საუბრობს იმაზე, თუ როგორი ბედნიერია პსჟ-ში და ამავდროულად ბოდიშს იხდის თავისი აგენტის სიტყვებისთვის, რომელმაც ნასერ ალ-ხელაიფი გააკრიტიკა. ამის გამო ტრანსფერს თითქმის ყველამ გადაუსვა ხაზი, თუმცა უახლესი ცნობების მიხედვით, ეს სატრანსფერო საგა ასე მარტივად არ დასრულდება.

უახლესი ინფორმაციის თანახმად, პსჟ-მ შესაძლოა იტალიელი მაინც გაყიდოს. L’Equipe-ს სიტყვებს ციტირებს ესპანური AS და ვკითხულობთ, რომ 24 წლის ნახევარმცველის "ბარსელონაში" გადასვლის შანსები მაინც არსებობს და საუბარია 70-100 მილიონ ევრომდე თანხაზე.

პრესის აზრით, ვერატის ბოდიშს სიტუაცია არ შეუცვლია.

ამასთან, ვერატის უთხრეს, რომ შეუძლია 31 აგვისტომდე იფიქროს და "ბარსა" მზადაა მას დაელოდოს.

AS ასევე იუწყება, რომ L'Equipe-ს წყარო საკმაოდ სანდოდ შეიძლება ჩაითვალოს, რაც ნიშნავს, რომ "ბლაუგრანასთვის" კარი ჯერ კიდევ ღიაა.