ვერატის ბოდიშის მოხდა პსჟ-ს პრეზიდენტმა აიძულა
La Graderia-სთან ინტერვიუში, ჟურნალისტმა ანტუან მაუმონმა განაცხადა, რომ მარკო ვერატის იმ ვიდეოს ჩაწერა, რომელშიც ის ბოდიშს უხდის კლუბს და გულშემატკივრებს თავისი აგენტის, დონატო დი კამპლის სიტყვების გამო, ნასერ ალ-ხელაიფმა აიძულა. შეგახსენებთ, რომ ფეხბურთელის წარმომადგენელმა პსჟ-ს პრეზიდენტი მკაცრად გააკრიტიკა და თქვა, რომ იტალიელი ნახევარმცველი პარიზელთა ტყვეა და მას "ბარსელონაში" გადასვლის შესაძლებლობას არ აძლევენ.
ამავე ჟურნალისტმა ისიც დაადასტურა, რომ "ვიდეოს მიუხედავად, "ბარსას" სურს ვერატის გაფორმება და ვერატისაც სურს "ბარსელონაში" თამაში."
შეგახსენებთ, რომ პარასკევს გავრცელდა ვიდეო, სადაც 24 წლის ფეხბურთელი ამბობს, რომ: "რთული დღეები გამოვიარე. დღეს ჩემი აგენტის განცხადება ვნახე და მინდა ყველას ვუთხრა, რომ მე ასე არ ვფიქრობ და ეს ჩემს პოზიციას არ ასახავს. ვიცი, რომ ის ჩემთვის მუშაობს და ამიტომაც ვარ ახლა აქ - რათა ბოდიში მოვუხადო კლუბს, გულშემატკივრებს და კლუბში მომუშავე პერსონალს."
ამ სიახლეზე კომენტარები გათიშულია.
კომენტარები [ 15 ]