ტიაგო სილვამ და მარკინიოსმა არაფერი იციან

ნეიმარის თანამემამულეს, ტიაგო სილვას გუშინ ნეიმარის ტრანსფერთან დაკავშირებით კითხვები დაუსვეს, რაზეც მან უპასუხა: "პსჟ-ს მსგავსი გუნდისათვის ნეიმარის დონის ფეხბურთელი მნიშვნელოვანია. თუ ეს მოხდება, გუნდისთვის შესანიშნავი სიახლე იქნება."

როგორც იცით, გავრცელებული ინფორმაციის თანახმად, ნეიმარმა "პარი სენ-ჟერმენში" მოთამაშე ბრაზილიელებს უკვე აცნობა, რომ მომავალი სეზონიდან ის მათთან ერთად იასპარეზებს. ეს ინფორმაცია უარყო მარკინიოსმა, რომელმაც იხუმრა, რომ: "თუ ნეიმარმა ბრაზილიელები გააფრთხილა, მას ჩემთვის არაფერი უთქვამს... არ ვიცი, მაგრამ თუ ის მოვა, ჩვენს გუნდს წარმატების მიღწევაში მნიშვნელოვნად დაეხმარება."

როგორც მოგეხსენებათ, გუშინ პსჟ-მ პრე სეზონის პირველი შეხვედრა გამართა "რომას" წინააღმდეგ. ძირითადი დროის დასრულების შემდეგ (1-1), პარიზელებმა პენალტების სერიაში 5-3 იმარჯვეს და დანი ალვესმა ახალი გუნდის მაისურით პირველი გამარჯვებაც მოიპოვეს. სილვამ და მარკინიოსმა კი უნაი ემერისა და მუნიეს გზა განაგრძეს, რომლებმაც მატჩის შემდეგ ასევე გააკეთეს კომენტარი "ბარსელონას" ბრაზილიელი შემტევის შესაძლო ტრანსფერზე.