ნეიმარის სრული ინტერვიუ

როგორც მოგეხსენებათ, რამდენიმე დღის წინ აქტიურად დაიწყო საუბრები იმის შესახებ, რომ პსჟ მზადაა ნეიმარის გამოსასყიდი თანხის, 222 მილიონი ევროს გადასახდელად და პარიზულ კლუბში თამაშზე თავად ფეხბურთელიც თანახმაა. ამის შემდეგ, Goal.com-მა ნეიმარის ინტერვიუ გაავრცელა, დღეს კი პორტალმა მისი სრული ნაწილი გამოაქვეყნა.

"ვიმედოვნებ, პრე სეზონზე კარგად ვითამაშებ. ათლეტის ცხოვრებაში ვარჯიშს უდიდესი მნიშვნელობა აქვს და ეს სეზონიც ჩემთვისა და კლუბისთვის უმნიშვნელოვანესი იქნება. მინდა, რომ კარგ ფიზიკურ ფორმაში ვიყო და კლუბს ასისტებით, გოლებითა და კიდევ იმ უამრავი რამით დავეხმარო, რაც "ბარსელონას" ფორმის მატარებელს შეეფერება." 

ნეიმარმა კომენტარი თავის თანაგუნდელზე, ლეო მესიზეც გააკეთა.

"ის ძალიან გულუხვია. არ სურს საუკეთესოობა და უნდა გოლი შექმნას. ის გაბრწყინების შანსს შენც გაძლევს. მასთან ერთად თამაშმა მე უკეთესი მოთამაშე და უფრო პროფესიონალი გამხადა. მასთან ერთად ვარჯიშმა, მასთან ერთად მატჩის წინა მზადებამ, საჭირო მომენტში მისმა სერიოზულობამ მე გაზრდის საშუალება მომცა. იღბლიანი ვარ, რომ ჩემი კერპი ჩემივე მეგობარია! რთული ასახსნელია მისი საუკეთესოობა. ის გამორჩეულია - სწრაფი, ჭკვიანი, შესანიშნავი შემსრულებელი, მცირე მანძილზეც შესანიშნავ დრიბლინგებს გვთავაზობს... ეს ჯადოქრობაა!"