პსჟ-ს ნეიმარის ტრანსფერი 300 მილიონი ევრო დაუჯდება
კვლავ არ წყდება მითქმა-მოთქმა კატალონიის "ბარსელონას" ბრაზილიელი შემტევის, ნეიმარ ჟუნიორის "პარი სენ-ჟერმენში" შესაძლო ტრანსფერის შესახებ.
დასრულდა წინასასეზონო ამერიკული ტურნე და 25 წლის ბრაზილიელი ჩინეთში, შანხაიში, გაემგზავრება, რათა მისი სპონსორის, Nike-ის ღონისძიებას დაესწროს. წყაროს ინფორმაციით, ამის შემდეგ ნეიმარი დოჰაში გაფრინდება, სადაც კომპანია Qatar Sports Investment-თან გააფორმებს ხელშეკრულებას, რომელიც პსჟ-ს მფლობელის საკუთრებაა.
საფრანგეთში არსებული სატრანსფერო წესდების თანახმად, "პარი სენ-ჟერმენს" ნეიმარის ტრანსფერი არა 222 მილიონი ევრო, არამედ ბევრად მეტი - 300 მილიონი ევრო დაუჯდება. საკითხავია, რამდენად რეალურია ფეხბურთელში ამხელა თანხის გადახდა, გარდა ამისა, ფრანგულ კლუბს, შესაძლოა, პრობლემები შეექმნას უეფასთან. დრო გვიჩვენებს, წავა თუ არა პსჟ ორმარ რისკზე.
ადრე გავრცელებული ინფორმაციის თანახმად, ნეიმარმა თანაგუნდელებს უკვე შეატყობინა, რომ პარიულ კლუბში გადასვლას აპირებს.
ამ სიახლეზე კომენტარები გათიშულია.
კომენტარები [ 5 ]