პიკე კარვახალმაც დაიცვა
მადრიდის "რეალის" კიდევ ერთი მცველი, რომელიც "სანტიაგო ბერნაბეუზე" გასამართი სანაკრებო თამაშის წინ ჟერარ პიკეს იცავს, დანი კარვახალია.
2 სექტემბერს, ესპანეთისა და იტალიის ნაკრებები ერთმანეთს მსოფლიო ჩემპიონატის საკვალიფიკაციო ეტაპზე, "რეალის" საშინაო სტადიონზე დაუპირისპირდებიან. არის მოლოდინი, რომ გულემატკივრები ჟერარ პიკეს დაუსტვენენ, რადგან ის კატალონიის დამოუკიდებლობის მომხრეა და "რეალსაც" ხშირად აკრიტიკებს.
ცოტა ხნის წინ, პიკეს დასაცავად კომენტარი სერხიო რამოსმა გააკეთა, ახლა კი, კარვახალის ჯერი დადგა.
"გულშემატკივრებს ვთხოვ, პიკეს არ დაუსტვინონ. თუ "სანტიაგო ბერნაბეუზე" პიკეს ან სხვა ფეხბურთელს დაუსტვენენ, ეს ნიშნავს, რომ მთელ ნაკრებს დაუსტვენენ. არა მგონია, გულშემატკივრების ქმედებამ პიკეს თამაშზე გავლენა იქონიოს." - ციტირებს კარვახალის სიტყვებს AS.
ამ სიახლეზე კომენტარები გათიშულია.
კომენტარები [ 6 ]