ჯუზეპე მაროტა ბარსელონაში გადასვლას არ აპირებს
ტურინის "იუვენტუსის" გენერალური დირექტორი ჯუზეპე მაროტა კატალონიის "ბარსელონაში" გადასვლას გამორიცხავს.
ცოტა ხნის წინ გავრცელდა ინფორმაცია, რომლის თანახმადაც, "ბარსელონა" "ბებერი სინიორას" სპორტულ დირექტორს ფაბიო პატარიჩისა და გენერალურ დირექტორს, ჯუზეპე მაროტას იწვევს. თუმცა, როგორც ირკვევა, ისინი "იუვეს" დატოვებას არ აპირებენ.
"მე და ფაბიო პარატიჩი "იუვენტუსში" თავს კარგად ვგრძნობთ. კლუბის ერთგულები ვართ და მისთვის ყველაფერს ვაკეთებთ. ანიელისთნ, ნედვედთან და მთელ გუნდთან მუშაობა ძალიან კომფორტულია. ჩვენ გამარჯვებულის მენტალიტეტის მქონე გუნდი შევქმენით.
კლუბთან კონტრაქტის გახანგრძლივებაზე არ ვსაუბრობ, რადგან ჩვენ "იუვენტუსთან" სიცოცხლის ბოლომდე ვართ დაკავშირებულები. თუ "იუვეში" რამის შეცვლა მოუნდებათ, გადაწყვეტილებას ამის შემდეგ მივიღებთ." - ციტირებს მაროტას სიტყვებს Sport Mediaset.
ამ სიახლეზე კომენტარები გათიშულია.
კომენტარები [ 8 ]