ერნესტო ვალვერდემ "იუვენტუსთან" მატჩის განაცხადი დაასახელა
ჩემპიონთა ლიგა ბრუნდება. კატალონიელები ხვალ, საშინაო არენაზე თბილისის დროით 22:45 საათზე "იუვენტუსს" დაუპირისპირდებიან - გუნდს, რომელმაც ისინი წინა გათამაშებაზე ტურნირიდან გამოთიშა.
"ბარსამ" დღეს მატჩისწინა ვარჯიში გამართა, რომელსაც ტრავმის გამო პაკო ალკასერი არ ესწრებოდა - შემტევმა სპორტულ დარბაზში ივარჯიშა. მთავარ გუნდთან ერთად ერნესტო ვალვერდემ "ბარსა ბ"-ს ფეხბურთელს, ხოაკინ ესკიეტასაც უხმო.
ტრავმის შემდეგ, გუნდს დაუბრუნდა სერჟი რობერტო და განაცხადში მოხვდა დენის სუარესიც.
ხვალინდელ მატჩში მონაწილეობას მიიღებენ: ტერ შტეგენი, სილესენი, სემედუ, პიკე, რაკიტიჩი, ბუსკეტსი, დენისი, ინიესტა, სუარესი, დემბელე, მასკერანო, პაულინიო, დეულოფეუ, ჟორდი ალბა, სერჟი რობერტო, ანდრე გომეში და უმტიტი.
სამედიცინო პრობლემების გამო მატჩს არდა თურანი, ალკასერი და რაფინია გამოტოვებენ, ვერმალენი, ალეიშ ვიდალი და ლუკა დინი კი განაცხადს მიღმა მწვრთნელის გადაწყვეტილების გამო აღმოჩნდენ.
ამ სიახლეზე კომენტარები გათიშულია.
კომენტარები [ 36 ]