ერნესტო ვალვერდე ლუის ენრიკეს ყველაზე უხერხული მეტოქის წინააღმდეგ

დღეს, თბილისის დროით 22 საათსა და 45 წუთზე ლა ლიგის მე-9 ტურში "ბარსელონა" "მალაგას" დაუპირისპირდება.

კატალონიელები შესანიშნავ ფორმაში არიან, რასაც ვერ ვიტყვით "მალაგაზე", ასე რომ, "ბარსელონა" შეგვიძლია მატჩის უდავო ფავორიტად მივიჩნიოთ. თუმცა, ბოლო დროის ურთიერთშეხვედრების სტატისტიკური მონაცემები სტუმართა გულშემატკივრებს უფლებას აძლევს, საკმაოდ იმედიანად იყვნენ განწყობილნი.

ლუის ენრიკეს მწვრთნელობის პერიოდში, ანუ 3 სეზონის განმავლობაში, "ბარსელონა" და "მალაგა" ერთმანეთს 6-ჯერ დაუპირისპირდნენ და კატალონიელებმა აქედან მხოლოდ 2 შეხვედრის მოგება მოახერხეს. ორი მატჩი ფრედ დასრულდა, ორში კი "მალაგამ" მოახერხა გამარჯვების მოპოვება.

2014/15 წლების სეზონში კამპ ნოუზე გამართული შეხვედრაში უგოლო ფრე დაფიქსირდა, განმეორებით მატჩში კი მასპინძლებმა 1-0 იმარჯვეს.

2015/16 სეზონში "ბარსამ" ორივე მატჩში მოიგო. ჯერ შინ 1-0, შემდეგ კი გასვლაზე 2-1.

იმ ფაქტში, რომ "ბარსელონამ" 2016/17 წლების ლა ლიგა ვერ მოიგო, ერთ-ერთი გადამწყვეტი როლი სწორედ "მალაგამ" ითამაშა: ამ გუნდმა ორივე შეხვედრაში დააკარგვინა "ბლაუგრანას" ქულები. ჯერ ფრედ ეთამაშა - 0-0, შემდეგ კი სულაც დაამარცხა - 2-0. თანაც, სწორედ "მალაგასთან" გამარჯვებით მოიპოვა მადრიდის "რეალმა" ესპანეთის ჩემპიონობა.

ასე რომ, ერნესტო ვალვერდეს დღეს საკმაოდ რთული გამოცდა ელის.