ლეონ გორეცკამ "ბარსელონა" აირჩია

"შალკეს" ნახევარცველმა, ლეონ გორეცკამ, "ბარსელონას", "იუვენტუსსა" და "ლივერპულს" შორის, რომლებიც 22 წლის ფეხბურთელით ინტერესდებიან, კატალონიური კლუბი აირჩია. ამ ინფორმაციას კატალონიური Mundo Deportivo ავრცელებს.

კატალონიელი ჟურნალისტების ცნობით, გორეცკას "ბარსელონაში" გადასვლა უნდა. აღსანიშნავია, რომ მის გადაწყვეტილებაზე მნიშვნელოვანი გავლენა მოახდინა კატალონიური კლუბის გოლკიპერმა, მარკ-ანდრე ტერ შტეგენმა, რომელსაც გორეცკა გერმანიის ეროვნული ნაკრებიდან ძალიან კარგად იცნობს.

გორეცკამ მიმდინარე სეზონში 10 ჩატარებულ მატჩში 4 გოლი გაიტანა და 1 საგოლე გადაცემა გააკეთა.