სერხიო ბუსკეტსი: გოლის გატანა გვსურდა, მაგრამ ვერ მოვახერხეთ

"ბარსელონას" ნახევარმცველმა, სერხიო ბუსკეტსმა "ოლიმპიაკოსთან" მატჩის შემდეგ (0:0) კომენტარი გააკეთა.

"ყველა ვარიანტი მოვსინჯეთ, კარგი მომენტები შევქმენით, კარში რამდენიმეჯერ დავარტყით, მაგრამ გოლის გატანა ვერ მოვახერხეთ. მუშაობას გავაგრძელებთ.

ჩვენი პოზიცია უცვლელია. "ოლიმპიაკოსთან" 100 შეხვედრა რომ ჩავატაროთ 95 მათგანს აუცილებლად მოვიგებთ. კარგად ვითამაშეთ, მაგრამ ერთადერთი რაც გვაკლდა, მომენტების დაგვირგვინება იყო."-ამბობს ბუსკეტსი.