"იუვენტუსი"-"ბარსელონა" - ერნესტო ვალვერდე მატჩის წინ

"ბარსელონას" მთავარმა მწვრთნელმა, ერნესტო ვალვერდემ, "იუვენტუსთან" ჩემპიონთა ლიგაზე გასამართი მატჩის წინ, პრესკონფერენციაზე ჟურნალისტების შეკითხვებს უპასუხა.

"ვფიქრობ, საუკეთესო "იუვენტუსს" ვიხილავთ. ტურინელები, საკუთარ მოედანზე, ძალიან სახიფათონი არიან. ისინი, გულშემატკივრების მხარდაჭერას კარგად იყენებენ. "იუვენტუსი" ბევრ მომენტს ქმნის და ამ გუნდს მოგება სჭირდება. რთული შეხვედრა გველის, მაგრამ ჩვენც ბოლომდე დავიხარჯებით.

"იუვე" ეცდება, კვირას "სამპდორიასთან" მარცხის შემდეგ, განწყობა რაც შეიძლება სწრაფად გამოისწოროს. ჩვენ კი შევეცდებით, მეტოქეზე მეტი საგოლე მომენტი შევქმნათ და მეტი გავიტანოთ.

საინტერესო დაპირისპირება გველის. ორივე გუნდს ბურთით თამაში უყვარს.

დიბალა? "იუვენტუსს" ბევრი მაღალი დონის ფეხბურთელი ჰყავს: პიანიჩი, იგუაინი, კუადრადო... დაცვაში კარგად უნდა ვითამაშოთ.

ჩემპიონთა ლიგაზე მოგება? ჯერჯერობით, მხოლოდ ჯგუფუდან გასვლაზე ვფიქრობ." - ციტირებს ვალვერდეს სიტყვებს UEFA-ს ოფიციალური ვებგვერდი.