ამორი მესის გამოსასყიდ თანხაზე: ნეიმარის ტრანსფერის შემდეგ, თავის დაცვა მოგვიწია

"ბარსელონას" ყოფილი ნახევარმცველი, გილერმო ამორი მესის კონტრაქტის სიახლეს გამოეხმაურა. შეგახსენებთ, რომ არგენტინელის ახალი ხელშეკრულება 2021 წლამდეა ვადაში, მისი გამოსასყიდი თანხა კი 700 მილიონ ევროს შეადგენს.

"არ გვინერვიულია, რადგან მესი "ბარსელონაში" თავს ყოველთვის კომფორტულად გრძნობდა. ყველას სურს, რომ არგენტინელმა ბუცები ლურსმანზე სწორედ ჩვენ კლუბში ჩამოკიდოს, რაც მის სურვილებს შეესაბამება.

ყველა მის გამოსასყიდ თანხაზე საუბრობს. ნეიმარის ისტორიის შემდეგ, თავის დაცვა მოგვიწია."-ამბობს ამორი.

შეგახსენებთ, რომ ნეიმარი პსჟ-ს 222 მილიონი ევროს სანაცვლოდ შეუერთდა.