ტონი კროოსი: "ბარსელონასთან" თამაშის დროს დამატებითი მოტივაცია არ გვჭირდება

მადრიდის "რეალის" ნახევარმცველი ტონი კროოსი, მსოფლიოს საკლუბო ჩემპიონატის მოგების შემდეგ, კომენტარს მოახლოებულ "ელ კლასიკოზე" აკეთებს.

"ბარსელონასთან" თამაშის წინ არანაირი დამატებითი მოტივაცია არ გვჭირდება, რაც არ უნდა იყოს ეს.

რა თქმა უნდა, მადრიდში ამაღლებული განწყობით დაბრუნება ძალიან კარგია, მაგრამ წინ განსაკუთრებული თამაში გველის იმის მიუხედავად, თუ რა ხდებოდა აქამდე." - ციტირებს კროოსის სიტყვებს Goal.

"რეალისა" და "ბარსელონას" დაპირისპირება 23 დეკემბერს, თბილისის დროით 16 საათზე, მადრიდში გაიმართება.