პაულინიო: არ ველოდი, რომ ასე მალე გავივლიდი ადაპტაციას
"ბარსელონას" ნახევარმცველი, პაულინიო კატალონიურ კლუბში თამაშით ძალიან კმაყოფილია. შეგახსენებთ, რომ ბრაზილიელი "ბლაუგრანამ" მიმდინარე სეზონის სტარტამდე, ჩინურ "გუანჩჟოუ ევერგრანდიდან" შეიძინა.
"ბარსელონაში" გადასვლამდე ვიცოდი კრიტიკის შესახებ. მთელი ჩემი კარიერის განმავლობაში ასე იყო, მაგრამ მე კმაყოფილი ვარ. ვცდილობ გუნდისთვის და თანაკლუბელებისთვის სასარგებლო ვიყო, მაგრამ მე არ ველოდი, რომ "ბარსელონას" თამაშს ასე მალე შევეწყობოდი. პარტნიორები ამაში ძალიან დამეხმარნენ." - ციტირებს პაულინიოს Mundo Deportivo.
პრიმერას 16 ტურის ჯამით, ბრაზილიელმა 15 მატჩში მიიღო მონაწილეობა, გაიტანა 6 გოლი და გააკეთა 2 შედეგიანი გადაცემა.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 5 ]