სუარესი და კოუტინიო - კვლავ ერთად

ფილიპე კოუტინიო და ლუის სუარესი 3-ნახევარი წლის შემდეგ კვლავ ერთად ითამაშებენ, მაგრამ ამჯერად არა "ლივერპულში", არამედ "ბარსელონაში".

ბრაზილიელმა და ურუგვაელმა ერთად "ენფილდზე" 18 თვე გაატარეს და 2013/2014 წლების სეზონში "ლივერპულის" გულშემატკივრებს თავი შთამბეჭდავი სეზონით დაამახსოვრეს.

აღნიშნულ სეზონში ლუის სუარესმა და ფილიპე კოუტინიომ ერთად 36 მატჩში ითამაშეს, 33 პრემიერ ლიგაში ხოლო 3 FA თასზე. ეს ის სეზონია, როდესაც ურუგვაელმა 31 გოლის გატანა მოახერხა და ოქროს ბუცს დაეუფლა.

კოუტინიოსა და სუარესთან ერთად "ლივერპულმა" პრემიერ ლიგის არსებობის მანძილზე საუკეთესო შედეგი დააფიქსირა, 84 ქულით მე-2 ადგილზე გავიდა და მხოლოდ 2-ით ჩამორჩა ჩემპიონ "მანჩესტერ სიტის".

ახლა კი მათ შანსი აქვთ "ბარსელონას" გულშემატკივრები ერთად გაახარონ, უფრო მეტად ვიდრე ეს "სქაუზერები" "ლივერპულში" ყოფნისას.