"ნაპოლის" დეულოფეუ სურს, დეულოფეუს - "ინტერი"

Football Italia-ს ცნობით, ჟერარ დეულოფეუს ტრანსფერთან დაკავშირებით "ბარსელონასთან" მოლარაპაკებები "ნაპოლიმაც" დაიწყო, მაგრამ თუ Sky Sport Italia-ს დავუჯერებთ, ფეხბურთელს კარიერის მილანის "ინტერში" გაგრძელება სურს.

ცნობილია, რომ "ინტერი" დეულოფეუს იჯარით აყვანითაა დაინტერსებული. კატალონიელებს ფეხბურთელის გაყიდვა სურთ და შესაძლოა, სწორედ ამიტომ, მილანური კლუბი "ბარსას" მეორე ფეხბურთელზე, რაფინია ალკანტარაზე გადაერთო. მანამდე კი, "ნერაძურიმ" თავად დეულოფეუს დაინტერესება მოასწრო.

იტალიური პრესის ცნობით, "ნაპოლი" მზადაა "ბარსელონას" სურვილი დააკმაყოფილოს და ფეხბურთელი არა იჯარით აიყვანოს, არამედ იყიდოს. თუმცა, ამის წინააღმდეგი თავად 23 წლის შემტევია. მას იმავე ქალაქში სურს ცხოვრება, რომელშიც გასული სეზონის მეორე ნახევარი დაჰყო. შეგახსენებთ, რომ დეულოფეუ იჯარით "მილანში" თამაშობდა.