რონალდო: ნეიმარის "ბარსელონადან" პსჟ-ში გადასვლა უკან გადადგმული ნაბიჯია

ფეხბურთის ბრაზილიელი ლეგანდა, "ბარსელონას" ყოფილი თავდამსხმელი რონალდო მიიჩნევს, რომ მისმა თანამემამულემ, ნეიმარმა კარიერაში ნაბიჯი უკან გადადგა, როდესაც კატალონიური კლუბიდან "პარი სენ-ჟერმენში" გადავიდა.

"ვფიქრობ, პსჟ-ში გადასვლა, სპორტული თვალსაზრისით, უკან გადადგმული ნაბიჯი იყო. თუმცა, შესაძლებელია გავიგოთ ეს გამოწვევა, რომლის წინაშეც ნეიმარი დადგა.

თავის დროზე, როდესაც მე "ბარსელონადან" "ინტერში" გადავედი, იტალიის ჩემპიონატი გაცილებით ძლიერი და კონკურენტუნარიანი იყო." - ციტირებს რონალდოს სიტყვებს Marca.