Marca-ს ინტერვიუ ივან რაკიტიჩთან

"ბარსელონას" ხორვატმა ნახევარმცველმა, ივან რაკიტიჩმა Marca-ს ჟურნალისტების მიერ დასმულ 12 სწრაფ შეკითხვას უპასუხა, რომლებიც ძირითადად ფეხბურთის მიღმა მის ცხოვრებას, მათ შორის მის საყვარელ მუსიკას, ფილმებს და საკვებს ეხებოდა.

1. ერთი ფილმი

- ერთადერთი რასაც ვუყურებ, ანიმაციური ფილმებია, რომლებიც ჩემს შვილებს მოსწონთ.

2. ერთი წიგნი

- მიყვარს სპორტსმენებთან დაკავშირებული წიგნები, მაგალითად ლანს არმსტრონგის.

3. სიმღერა, რომლის გარეშეც მანქანას არ ატარებ

- რასაც ჩემი ცოლი და შვილები ირჩევენ. ძირითადად, შაკირას სიმღერები. 

4. ერთი დასასვენებელი ადგილი

- მნიშნვნელობა არ აქვს. მთავარია, ჩემს ოჯახთან ერთად ვიყო.

5. თანაგუნდელი, რომელთანაც ოთახს გაიზიარებდი

- "ბარსელონაში" ჩვენი კუთხე ყველას გვაქვს, ამის საჭიროება არ იქნებოდა.

6. ერთი მონუმენტი, ლა ხირალდა (სევილიაში) თუ საგრადა ფამილია (ბარსელონაში)?

- ლა ხირალდა.

7. საყვარელი კერძი

- სალმორეხო (ასევე ანდალუსიური კერძი, რომელიც სევილიასთან ახლოს წარმოიშვა).

8. ადგილი, სადაც დაკარგავდი საკუთარ თავს

- მალდივის კუნძულები.

9. ბავშვობის მოგონება

- სკოლა, ადგილი, სადაც ყველაფერი დაიწყო.

10. საუკეთესო მოგონება ფეხბურთში

- ჩემი პირველი მატჩი "ბაზელის" მაისურით.

11. ის, რასაც ფეხბურთის გამო ვერ აკეთებ

- ხანდახან მინდა, რომ ვიყო ერთი უბრალო ადამიანი, რომელიც სადმე, ქალაქში მუშაობს. ფეხბურთი კი ამის საშუალებას არ მაძლევს.

12. ვინ გინდოდა გამოსულიყავი ბავშვობაში?

- რობერტ პროსინეჩკი (ხორვატი ფეხბურთელი, რაკიტიჩის თანამემამულე, რომელიც 1995-96 წლებში "ბარსელონაშიც" თამაშობდა).