კიკე სანჩეს ფლორესი: "ბარსელონასთან" მოგება შეუძლებელი არაა
"ესპანიოლის" მთავარი მწვრთნელი კიკე სანჩეს ფლორესი, "ბარსელონასთან" ესპანეთის თასზე დღეს გასამართი დაპირისპირების წინ, ჟურნალისტებთან პრესკონფერენციაზე საუბრობს.
"დღევანდელ მეტოქეს შესანიშნავად ვიცნობთ. "ბარსელონას" უამრავი წარმატების შესახებ ყველამ იცის. ასევე ცნობილია ნაკლებიც, რომლებიც ცოტაა. კატალონიელები მუდმივად ერთ ფილოსოფიას მისდევენ.
რაც შეეხება მესის ნეიტრალიზებას - მინახავს გუნდები, რომლებიც ჩემპიონთა ლიგაზე, ორ მატჩში, მის წინააღმდეგ თავის წარმატებით დაცვას ახერხებდნენ. მას პერსონალურ მეურვეობას არ დავუწესებთ. საუბარი უფრო იმაზე გვაქვს, რომ მესის თავისუფალი ზონები არ დავუტოვოთ და მისი ქმედებები შევზღუდოთ.
არ მიმაჩნია, რომ წარმატების მთავარი გასაღები მესის ნეიტრალიზებაა, რადგან "ბარსელონას" არაერთი ძლიერი ფეხბურთელი ჰყავს.
"ბარსელონასთან" მოგება შეუძლებელი არაა." - ციტირებს სანჩეს ფლორესის სიტყვებს Marca.
ამ სიახლეზე კომენტარები გათიშულია.
კომენტარები [ 17 ]