ერნესტო ვალვერდე "მალაგასთან" მატჩის წინ

"ბარსელონას" მთავარმა მწვრთნელმა, ერნესტო ვალვერდემ "მალაგასთან" მატჩამდე ერთი დღით ადრე პრესკონფერენცია გამართა. 

"ცხრილის ქვედა ნაწილში მყოფი გუნდები სწორედ ისინი არიან, რომლებიც სეზონის ბოლოს ყველაზე მეტ ქულას იღებენ. "მალაგა" ახლა სწორედ ასეთ სიტუაციაშია. მათ ქულების მოპოვება ძალიან სჭირდებათ და ხვალინდელ თამაშში ამის გაკეთების შანსი აქვთ. 

ჩვენთვის ყველა თამაშს დიდი მნიშვნელობა აქვს. ქულები რომ დავკარგოთ, სხვაობა უფრო შემცირდება და მომდევნო თამაშებში მეტი დაძაბულობა იქნება. 

არ ვთვლი, რომ "მალაგასთან" დაპირისპირება უბრალოდ "ჩელსისთვის" მოსამზადებელი მატჩია. ეს არის თამაში, რომელიც უნდა მოვიგოთ იმისთვის, რომ ლიდერობა შევინარჩუნოთ".