ერნესტო ვალვერდე "ვალენსიასთან" მატჩის წინ
"ბარსელონას" მთავარმა მწვრთნელმა, ერნესტო ვალვერდემ, "ვალენსიასთან" მატჩამდე ერთი დღით ადრე პრესკონფერენცია გამართა და კლუბის მომდევნო შეხვედრებზე ისაუბრა.
"ბოლო დროს, "ვალენსია" კარგად გამოიყურება. მათი ახლანდელი თამაში წინა სეზონს მაგონებს, ოღონდ ახლა ისინი უფრო თავდაჯერებულები არიან და მეტ საგოლე შანსს იყენებენ.
კოპა დელ რეიზე ერთმანეთს ორი შესანიშნავი გუნდი შეხვდება. "რეალი", ჩვენს მსგავსად ჩემპიონატის და ჩემპიონთა ლიგის მოგებისთვის იბრძვის და გულშემატკივრებისთვის ამ დაპირისპირების ხილვა ძალიან საინტერესო იქნება.
"რეალმა" სეზონი ცუდად დაიწყო, მაგრამ ახლა მათ თამაში გამოასწორეს და სიტუაცია შემოაბრუნეს. რთული მატჩები გველის.
ამ კვირაში, 6 დღეში 3 თამაში გვაქვს, შემდეგ კი სამი თამაში რვა დღეში. მუდიმივად დავაკვირდებით და გადავწყვეტთ, ვინ როდის უნდა დაისვენოს. იმედია, ტრავმები ხელს არ შეგვიშლის. ამ მატჩებისთვის უკვე ვემზადებით და ჩვენი მოვალეობაა, უპირატესობა არსად დავთმოთ".
ამ სიახლეზე კომენტარები გათიშულია.
კომენტარები [ 3 ]