ნაინგოლანს "ბარსელონასთან" თამაშის იმედი აქვს

"რომას" ნახევარმცველი, რაჯა ნაინგოლანი იმედოვნებს, რომ გუნდს ჩემპიონთა ლიგის პირველ მეოთხედფინალურ შეხვედრაში დაეხმარება.

L'Equipe-ს ინფორმაციით, ბელგიელმა მოთამაშემ ბარძაყის ტრავმა მოიშუშა და ვარჯიში განაგრძო. შეგახსენებთ, რომ რაჯა "ბოლონიას" წინააღმდეგ გამართულ შეხვედრაში (1:1) დაზიანდა.

მოსალოდნელია, რომ ნაინგოლანი 4 აპრილს, "ბარსელონას" წინააღმდეგ "კამპ ნოუზე" გასამართ შეხვედრაში მონაწილეობის მიღებას მოახერხებს.