"ბარსელონას" "რეალთან" ლიგის 1/2-ფინალში შეხვედრა სურს

"ბარსელონას" ხელმძღვანელობას სურს, რომ მადრიდის "რეალს" ჩემპიონთა ლიგის 1/2-ფინალში შეხვდეს და არა ფინალში. ამ ინფორმაციას კატალონიის რადიო ავრცელებს.

წყაროს ცნობით, მიზეზი "სანტიაგო ბერნაბეუს" სტადიონია. ბოლო დროს, "ბარსას" ამ არენაზე წარმატებით თამაში გამოსდის, რაც ორმატჩიან დაპირისპირებაში დიდი უპირატესობა იქნება.

მიმდინარე სეზონში, "ბარსელონამ" "სანტიაგო ბერნაბეუზე" 2 თამაში ჩაატარა - ესპანეთის სუპერ თასზე 0:2 წააგო და ლა ლიგაში 3:0 მოიგო. ამ სტადიონზე ჩატარებული ბოლო 4 შეხვედრიდან კატალონიელებს 3 აქვთ მოგებული.