სუარესი ინიესტას: მადლობა ყველაფრისთვის, კაპიტანო, ძალიან მოგვენატრები

"ბარსელონას" თავდამსხმელმა, ლუის სუარესმა, კატალონიური გრანდის ლეგენდას, ანდრეს ინიესტას, სოციალური ქსელის საშუალებით გამოსამშვიდობებელი წერილი მიუძღვნა.

"ანდრიუ, ჩემო მეგობარო. 4 წლის წინ, როდესაც "ბარსელონაში" გადმოვედი, მიუხედავად იმისა, რომ გადმოსვლამდეც უკვე გვქონდა ურთიერთობა, პირველივე დღიდან მივხვდი, რომ სხვანაირი ადამიანი იყავი.

ეს ჩემთვის ადვილი არ იყო, პირიქით, მაგრამ დასაწყისიდანვე სითბო და თავდაჯერებულობა დამანახე.

ახლა არ ვაპირებ იმის თქმას, რა შესანიშნავი ფეხბურთელი ხარ... ამ კლუბს მონდომებით, პატივისცემითა და ერთგულებით იცავდი მას შემდეგ, რაც აქ 12 წლის მოხვედი. შენ ყველასთვის მაგალითი ხარ.

ძმაო, კარიერის ახალ ეტაპზე ყოველივე საუკეთესოს გისურვებ. დარწმუნებული ვარ, ძალიან წარმატებული იქნები. შენზე საუბარი სხვანაირად არ შეიძლება. შენ საუკეთესო ხარ. მადლობა ყველაფრისთვის, კაპიტანო, ძალიან მოგვენატრები."